quarta-feira, 29 de janeiro de 2014

Membru PN Interese Liu Kargu

Membru PN Interese Liu Kargu
Senin, 27 Januari 2014 - 16:25:46 OTL | Posting Husi : Administrator | Kategoria: Politika - Le Dala: 70


DILI-Kordenador Organizasaun Naun Govermentais, Farming Studing Group, Remigio Laka Vieira hatete, durante nia observasaun ba debate orsamentu jeral  estadu 2014, membru parlamentu sira ko'alia  defende liu sira nia interese no poder duke ko'alia  lolo’os  saida maka akontese iha baze.
“Deputadu sira la konsege aktualiza no hato’o lolo’os  saida mak sira nia servisu durante ne’e. Ida ne’e hatudu katak sira iha interese privadu hanesan defende pozisaun poderes deit, la’os  iha intensaun uza kadeiras ne’e ba povu nia importansia,”Informa Remigio Laka Vieira, iha Parlamentu Nasionál, Sengunda (13/01).
Laka hatete, Kuandu deputadu sira iha inisiatif duni ba povu, sempre hatudu lolo’os  kazu aktual ba rezultadu saida mak sira hetan iha debate. Tenke hatete klaru rezultadu produsaun iha área hotu.
La’os  mai politiza fali iha parlamentu dehan produsaun ne’e a’as tiaona, maibe depois kalkula labele tama logika rasionál.
“Sira dehan produsaun foos  sa’e  too 200.000 toneladas iha tinan ida Liafuan ne’e kontráriu  ho realidade,”laka duvida.
Nia hatete, Tuir analiza, se ema ida han foos  loron ida dala tolu, iha tinan ida, povu Timor Leste persiza mak, 940.000  toneladas. Ne’e  liu metade. Sei liu metade, Timor bele esporta foos . Maibé Problema Timor sei depende importa foos  ida ne’e tenke buka nia solusaun.
Ho problema ne’e tuir laka hatudu katak informasaun ne’ebe fo sai husi membru parlamentu sira habeik públiku.
 “Ami husu atu hadi’a  atetude ne’e. fó prioridade ba uza kadera ne’e hodi bele fó benefisiu ba povu nia di’ak, keta buka hodi interese privadu hodi buka no hametin pozisaun iha parlamentu,” hatutan Laka. (ce2)


Artikel Seluk

Sem comentários:

Enviar um comentário

https://youtu.be/nPM_d8l5cVc