quarta-feira, 22 de fevereiro de 2012

Informa ba Kandidatu Presidenti Republiku RDTL katak: Sei Atu Sai PR 2012-2017: Tenki Toma Atensaun ba Comunidade Maioria Agrikultores sira nia direitu hodi bele sai Prioridade Nasional.


FARMING STUDY GROUP (FSG)

Informa ba Kandidatu Presidenti Republiku RDTL katak:
Sei Atu Sai PR 2012-2017:
Tenki Toma Atensaun ba Comunidade Maioria Agrikultores sira nia direitu hodi bele sai Prioridade Nasional.

FSG ne'ebe establese iha dia 07 de marsu 2004 ate agora identifika nafatin problema agrikultores katak, iha obstaklu boot ba nasaun RDTL ida ne'e mak oinsa bele tau as comunidade agrikultores hanesan parte ida ba solusaun pas I estabilidade ba nasaun. Tanba agrikultores mak maioria 85% hanesan vida agrikultores no depende ba nia aihan rasik.
Iha loron ida nee mos FSG ne'ebe hanesan foin hetan kuinesementu husi Presidenti Republika iha dia 06 de febreiro 2012 hanoin katak so prioridade nasional ba dezenvolvimentu ba nasaun ida ne'e mak presija hadia prioridadde sira ne'ebe durante ne'e dala ruma FSG konsidera guvernu ne'e lakoi tau hanesan prioridade nasional porfundu, hanesan dala ruma tau as no dala ruma hatun. Iha failansu ida ne'e durante ne'e FSG identifika tuir hanesan barometru ida ne'ebe presija hatene tuir mak OGE la tau as hanesan sai prioridade ida ne'ebe bele koloka ba agrikultores sira nia orgaun komponeti no la asleira vida moris agrikultores sira.
No maluk sira ne'ebe iha poder boot sira ne'e uza nia poder hodi disidi tuir sira nia hakarak de'it sem rasionalidade no tuir realidade ita nia komun maoris tuir. Tanba sei ita koalia kona ba libertasaun do povu maubere mak “Ita tenki hatene komunidade sira nia profisaun maioria ne'e saida laos ita atu toman atensaun ba profisaun matenek nain sira minoria ne'e Se”. Ne'e hau hanesan Responsavel FSG mak dehan.
ida ne'e iha parte oinsa maluk sira ne'ebe iha poder sira ne'e bele tau as ba prioridade nasional hanesan, kria lei ida ba prioridade nasional ba dezenvolvimentu agrikultores 12% husi total Osamentul Geral istadu ba agrikultores sira nia programa. Hanesan durante ne'e FSG rekomenda ba publiku no sefi Parlamentu Nasional komisaun D ba asuntu agrikultores sira 12 % husi total OGE kada tinan.
Ho razaun katak, Agrikultores mak save ba dezenvolvimentu nasional ba nasaun RDTL iha rai pedasuk ida ne'e. Tanba kestaun maioria. Tuir observasaun FSG husi publiku hanesan Ida seluk mak sei atinji kresimentu ekonomia mikro ba nasaun hanesan foin lalais ne'e iha febreiru dia 8, 2012 tuir Ex PM RDTL DR. Mari Alkatiri dehan 70 % kreimentu ekonomia timor leste iha rai laran mak agrikultura. Hanesan uluk iha 2007 tuir Partidu Demokratiku Republika Timor Leste Sr. Ojorio Mau Leki tau as iha nia Partidu maibe la konsege hetan poder entaun labele atinji tanba la liu husi tres porsentu husi elisaun parlementar.
Hanesan mos ita nia ministru agrikultura Ir. Mariano Assanami Sabino hateten katak agrikultura tenki diversifika uaihira ministru ne'e halao nia knar hanesan durante ne'e halao dadaun. No iha tinan ualu ne'e FSG hanesan NGO ki'ik ida ne'ebe luta oinsa agrikultores bele sai prioridade nasional hodi atinji kresimento ekonomi ba bele garante estabilidade nasional liu husi povu maioria ida ne'e tanba ne'e mak tenki kria metade de OGE ba 12% hodi bele garante no hametin dezenvolveimentu Agrikultura ne'ebe durante ne'e FSG ejije. Tanba ne'e ami husu no informa ba kandidatu PR sira hodi ba aban bairua sei karik sai Presidenti RDTL ba petiode 2012-2017 tenki tau atensaun nafatin tanba tuir Planu Estrategia nasional AMP la inklui obstaklu hirak ne'e. Karik bele adopta PEDN 2030 ne'e. Maibe hakbi'it nafatin tuir no hamri'ik husi realidade ne'e. Tanba atu dezenvolve tuir ita nia ema nia kbi'it maioria ne'e. 

https://youtu.be/nPM_d8l5cVc