sábado, 8 de junho de 2013

Komisaun Eventual Redus Ona OJE Rabu, 13 Februari 2013 - 11:01:41 OTL | Posting Husi

Komisaun Eventual Redus Ona OJE
Rabu, 13 Februari 2013 - 11:01:41 OTL | Posting Husi : Administrator | Kategoria: Nasional - Le Dala: 123


DILI-Inkontru komisaun Eventual (KE) ne'ebe tama ona loron tolu (hahu iha 7-12 Fevereiru), hetan ona konsensu.  Governu konkorda hodi redus ona Orsamentu Jeral Estadu (0JE 2013) milloens $100 ital husi total billoens $1,797,52.
“Tuir informasaun ne’ebé maka ha’u rona husi maluka sira ne’ebé involve iha Komisaun Eventuál ne’e hateten katak sira hetan ona konkordánsia hamutuk entre parte rua no konsege redus ona milioens $100 itál,” Deputada Bankada FRETILIN Ilda Maria da Conceição ba Timor Post iha Parlamentu Nasionál, Tersa (12/02).
 Nia hatutan, husi sinál ida ne’e ita bele apresia ona katak parte rua (bloku koligasaun no opozisaun) bele simu malu atu nune’e bele iha polítika poupa ba ita nia osan ne’ebé foti husi fundus minarai.
Tuir Ilda, perspetiva ema barak nian hateten kuandu opozisaun esforsa trava osan signifika lakohi dezenvolvimentu atu la’o. Ne’e la loos.
Deputada ne’e salienta, opozisaun trava atu hasai osan barak husi fundus minarai ne’e para ita bele estuda didi’ak atu nune’e kuandu ita hasai mós tuir nesesidade ne’ebé iha.
Konsensu Polítika
Enkuantu, Diretór Organizasaun Farming Study Grupu konsidera debate Orsamentu Jerál Estadu (OJE) iha Komisaun Eventuál taka informasaun ba públiku bele mosu konsensu polítika entre bloku Koligasaun ho Oposizaun.

“Sé deputadu sira na’in ruanulu diskuti mesa-mesak de’it ne’e klaru iha kotuk sira bele iha konsensu polítiku ruma,” Diretór Farming Study Grupu, Remigio Laka Vieira ba Timor Post iha Parlamentu Nasionál, Kuarta (12/02).

Laka hatutan, nu’udar Sosiedade Sivíl ne’ebé durante ne’e defende transparénsia iha Timor-Leste la satisfaz ho PN ne’ebé kria Komisaun Eventuál hodi dikuti Orsamentu Jerál Estadu taka ba públiku.

 “Ita nia povu agrikultór sira iha distritu sira túr hein hela iha televizaun oin para atu hatene osan ne’ebé aloka ba setór agrikutira ne’e hira. Sé hanesan ne’e povu la hatene saida makA sira diskuti,” nia lamenta. (tom/gim)

Sem comentários:

Enviar um comentário