segunda-feira, 5 de dezembro de 2011

FSG husu PR HORTA Kansela Osan Deve



FSG husu PR HORTA Kansela Osan Deve
TIMOR POST, Sesta 02 Dezembru 2011, Pagina ekonomia, 06.
            DILI, Organizasaun Naun Govermental (ONG) Farming Study Group (FSG) husu ba Presidenti Republika (PR), Jose Ramos Horta, Para kansela orsamentu $43,1 Miloens Ne'ebe mak aprova ona husi Parlamento Nasional (PN) tanba Jerasaun futuru mak sei sai Vitima ba Politika sira nia desijaun.

            
“Ami husi Farming Study Group (FSG) lori povu no Juventude sira nia naran husu ba Presidenti Republika atu kansela osan deve ho montante $43,1 Miloens ne'ebe mak Parlamentu Nasional Aprova ona” Hateten husi Responsavel General Farming Study Group (FSG), Remigio Laka Vieira, (01/12) ba  Timor Post iha Bebora, Dili.


 
            Bazea ba Plenaria husi Membru PN iha uma fukun RDTL durante ne'e katak membru PN maioria aprova ba DEVE ho Total osan husi proposta 33,1 no aumenta $ 10 miloens Hamutuk $43,1 Miloens.

 
             Tanba ami FSG hanoin katak Guvernu Laiha Razaun Forsa no Razaun Forti atu DEVE. Tanba ita iha osan besik biliaun 9 Dolar Amerikanu. Dala ida tan laiha Razaun Forsa.

             “Diak liu husu atu uza 43,4 miliaun ne'e bele foti no halo proposta ida oinsa bele foti husi ita nia fundus  rasik” hateten, LAKA.


            Nia dehan Osan DEVE hodi hadiak Estrada Jere husi Parseirus dezenvolvimentu sira rasik, tanba ne'e FSG Duvida tebes ho realidade projetu bo'ot hanesab Olio Pezadu ne'ebe ohin loron sai sentral eletrisidade nain ba kontrakto mai husi ema liur maibe to'o ohin loron seidauk garante necesidade povu nian iha teritoriu Timor Leste.



            Tanba ne'e FSG mos hanesan Parte ida husi gerasaun ida tuir mai lakoi lori todan ne'ebe politika nain sira deside, maski ho razaun ne'ebe mak hateten ona katak hodi hadiak Estrada, nune'e mak hanesan  komunidade hakarak rona de'it honestidade husi Guvernu no politika nain sira.



            Maibe antes ne'e iha debates orsamentu jeral estadu 2012, Chefe Guvernu Kay Rala Xanana Gusmao Esplika ona katak orsamentu ne'e DEVE annual kada tinan konforme politika atu guvernu atu foti, tanba total orsamentu ne'ebe mak deve $180 Miloens.

 
                       Chefi guvernu Esplika dehan orsamentu ne'e hodi hadiak Estrada ba distritu sira seluk ne'ebe liga ba iha capital Dili, tanba ne'e Timor hein deit nia rezultadu halo fiskaliza deit no hato'o nia rezultadu kona ba  projetu ba osan nain nune'e mak osan nain sira selu. S(uly) TP     Published by: TP

Sem comentários:

Enviar um comentário

https://youtu.be/nPM_d8l5cVc