FSG Husu Horta La Bele Promulga Deve ho Montante US$ 43,1 Miliaun

FSG Husu Horta La Bele Promulga Deve ho Montante US$ 43,1 Miliaun

Monday, 05 December 2011 07:26 | Written by Santino Dare Matias | | | Hits: 31

User Rating:  / 0

PoorBest 

Radio, online – Farming Study Group (FSG) hanesan sosiedade sivil ne’ebe hare liu ba kestaun agrikultura husu ba Prezidenti da Republika Jose Ramos Horta la bele promulga ba Orsamentu Geral do Estadu (OGE) 2012 liliu ba montante deve ho valor US$ 43,1.

Responsavel FSG, Remigio Laka Vieira ba radioliberadedili.com Segunda, (5/12) iha Kolmera, Dili. Remigio hatutan,  bazea ba debate OGE 2012 foin lalais ne’e membru PN maioria aprova ba orsamentu deve ho total US$ 33,4 no aumenta ba US$ 43,1 miliaun.

 “Ami hanoin governu laiha razaun forti atu deve. Tanba ita iha osan rasik besik ne’ebe tau iha banku sentral Amerikau biliaun 9. Hau husu ba PR Horta atu labele promulga orsamentu deve ne’e,”Remigo espera.

 FSG fo razaun katak, ho osan povu nian ba projetu oliu pezadu ba sentral eletrifikasaun mos ninia rezultadu seidauk garante ba povu nia moris hodi hetan ahi iha 24 oras nia laran. Iha Dili laran kalan iha bairo balun sei nakukun.

 FSG mos tristi ho OGE 2012 ne’ebe hatama orsamentu ba Agrikultoris menus liu, tuir lolos parte agrikultoris ne’e importante tanba povu maioria moris iha area ne’e.