Radio, online – Sosiedade sivil Farming Study Group (FSG) husu ba governu liu husi Ministeiru Agrikultura Peskas (MAP) liu hosi kooperasaun ho governu Australia laos atu hari laboratorium maibe oinsa husu ajuda atu hakik animal mak diak, tanba animal sei menus tebes iha nasaun ne’e.
FSG la satisfas MAP relasiona ho inagurasaun laboratorium diaknostiku veterinaria foin lalais ne’e iha Kaikoli, Dili.
Informasaun ne’e hato’o direita husi Responsalve FSG Remigio Laka Vieira ba redasaun radioliberdadedli online Kolmera, Dili (4/8/).
Responsalve FSG rekomenda ba MAP, ne’ebe iha hanoin atu hari’i laboratorium ba animal atu fo prevensaun ba animal ne’ebe moras. Ida ne’e hanesan parte ida laos atu resolve buat hotu. TL seidauk iha aimoruk rasik, ne’ebe atu halo prevensaun ba animal ne’ebe moras.
Tuir Remigio diak liu iha programa hodi hanorin povu oinsa hakiak. Ne’e signifika prosesu naruk husi hakiak, oinsa atu produs nia fini foun bele sai bo’ot. Ida ne’e mak importante. Politika hari laboratorium husi Australia hanesan bisnis bo’ot ida dehan katak wainhira animal TL mak moras aimoruk hotu sei sosa husi Australia, tanba TL iha laboratorium maibe aimoruk laiha.
“Ita iha ona laboratorium ne’e dudu ita nia estadu tenki investe iha area edukasaun forte liutan hodi uza laboratorium. Husu mos eskola teknik agrikultura tenki prepara didiak,”nia akresenta.
Sekertario Estado Pekuaria Valentino Varela hateten, laboratoriu ne’e bo’ot ba diresaun veterenaria tamba bele sai treinamento ba diresaun, wainhira halo analija iha baze. Uitliza laboratoriu sai hanesan sentru treinamentu ba estudante veterania medisina husi UNTL.
“Hau fo obrigadu ba governu Australia iha vontade diak hodi ajuda fatin ne’e sai hanesan prevensaun ba futuru liliu animal no aihan sira,”dehan Varela iha inagurasaun laboratorium animal nian ne’e.
Sem comentários:
Enviar um comentário