quarta-feira, 23 de novembro de 2011

FSG Ejiji Ba Governu Labele Viola Direitu Ekonomia Sosial Agrikultura


Radio, onine - Farming Study Group (SFG) hanesan membru Redi Ba Rai Sente tristi ba hahalok governu ne’ebe viola direito  Ekonomia Agrikultura nian iha Distrito Same Sub-Distrito Betano. Tanba governu iha akordu husu povu nia rai hektres 4 hodi halo kontruksaun ba sentral oliu pezadu, maibe iha implementasaun foti rai iha hektares 20.

Responsavel Geral Farming Study Group Remigio Laka Vieira iha radioliberdadedilionline.com Kolmera, Dili, Segunda (19/9).
Tuir observasaun FSG hamutuk ho Prezidenti Parlamentu Nasional Fernando Lasama dada lia ho komunidade iha oportunidade ne’e komunidade sira informa direita ba Lasama katak, governu husu rai, komunidade intrega rai hektares 4 maibe to’o ikus ba iha implementasaun  ba  rai ne’ebe atu utiliza sae ba hektares 20.
“FSG hanesan redi ba rai sente triste tamba atu luta agrikultura nia periodidade ida ne’e tenki koalia kona ba agrikultura nia difikuldade ba sira nia promesa ne’ebe iha. FSG luta ba iha periodidade agrikultura nia ida ne’e hanesan kemunduran total ba iha agrikultor sira nia direitu,”Remigio prekupa.
Tuir Remigio foin lalais ne’e Ministra Justisa Lucia Lobato ba iha area ne’ebe atu halo dialogi ho komuniddade kona ba problema ba rai ne’e, maibe Ministra justisa rasik ba  la hatene atu splika teknikamente.  Presidente Parlamento Fernando Lasama mos Direitamente ba iha area ne’ebe hodi hare situasaun komunidade kona ba rai maibe nia rasik sidauk fo prosesu ida ne’ebe naroman.
“Hau ejiji maka’as ba governu la bele viola direitu Ekonomia sosial agrikultura iha Timor Leste. Husu atu la bele hanehan ita nia povo agrikultura. Husu ba governu liliu ba Presidente Parlamentu Nasional iha tempu badak nia laran  atu aselere  prosesu agrikultores sira ne’ebe hela iha Betano,”dehan Remeigio.
Atu taka Remigio  husu ba Polisia Distrito Same labele fo presaun ba ba povu sira iha Betano no agrikultura sira ne’ebe terus nain,”responsavel FSG ne’e rekomenda.

Sem comentários:

Enviar um comentário