MAP ho RDP III Implementa Kampanha Vasinasaun Animal Iha Distritu Manufahi

Notisias Reguler

by qbb1905

Ministeriu Agrikultura e Peskas ho Programa Dezenvolvimentu Rural III (RDP 3) implementa kampanha Vasinasaun Animal Liu husi Vasinasaun ba animal bele Asegura Sigurança Aihan iha Distritu Manufahi sub distritu Fatuberliu iha loron Segunda 22/10/2012.
Ministru Agrikultura e Peskas Eng.Mariano Asanami Sabino hateten katak animal sira hanesan Karau,Fahi,Manu, Bibi no seluk tan maka ita hakiak tenki hola parte iha Vasinasaun Nasional para oinsa ita atu elemina moras ne’ebe ataka ba animal ne’ebe ita hakiak sai mate hotu ho ida ne,e programa nasional ohin loke iha distrito Manufahi Sub Distrito Fatuberlihu tanba iha ne’e maka ninia tarjeitu makas liu.

Ministru Agrikultura e Peskas Mariano Asanami Sabino husu ba Inan- Aman hotu tenki hola parte iha programa Vasinasaun nasional nomos ita hotu hatene liu husi pekuari Veterinaria ne’e maka sei fo rendementu makas ba Inan –Aman sira ne’e duni husu ba inan aman sira atu kuidadu animal sira ne’e imi hakiak ne’e diak liu tan tau sira iha luhan fo hahan no be’e ba sira tuir regularmente hodi bele hasae animal nia isin nomos bele hasae kuantidade kilo animal ninian hodi nune’e bele faan.
Entretantu Administradór Sub Distritu Fatuberlihu Sr.Tobias Hornai hateten katak ami iha fatuberliu laran tomak Orgolhu tebes tanba Vasinasaun ne’e nasiona hau hodi Povu tomak nia naran fo agradese tanba ho programa Vasinasaun animal iha fatin ida ne’e ho programa vasinasaun nasional liu husi pekuari e Veterinaria ne’e maka sei fo rendementu makas ba fatuberlihu nomos ami bele hado’ok moras husi animal liu husi Vasinasaun atu nune animal saude diak no saudavel.
By: MAP Timor Leste