DNPP –FAO hala’o treinamentu date base ba ofisial seguransa alimentar

Notisias Reguler

by qbb1905

Ministerio Agrikultura e Peskas liu husi Diresaun Nasional Politika e Planeamentu hamtuk ONG FAO hala’o treinamentu ba ofisial seguransa aihan distritu 12 kona ba programa date base uja laptop marka foun hanesan Mac pro durante loron hat komesa husi loron tersa-feira data 2-5/10 iha salaun MAP Komoro Dili.
Manual Lamberto Vitor nudar Xefe Departementu Interino koperasaun Nasional no Internasional ba Seguransa Aihan iha Direção Nacional Politica e Planeamento esplika katak. Objetivu treinamentu ne’e atu fo kuñesementu no hasae kapasidade ofisial seguransa Alimentar sira para oinsa mak bele utiliza laptop foun hodi bele hala’o servisu ho diak tanba Laptop sira ne’e modelu foun ne’ebé ofisial sira sedauk familiar.
Treiamentu ne’e importante tebes ba ofisial seguransa aihan iha distritu 12 ne’ebe mak liga ho sistema monitorizasaun seguransa aihan iha nivel suku (SMSANS) ne’ebe mak hahu ona iha fulan novembru 2011 to’o agora programa ne’e hetan suporta husi Nasaun Spanyol liu husi programa MDG’S ne’ebe implementadór projetu mak WFP ne’ebe sei remata iha 31 Marsu 2013 neduni kona ba National Information Early warning System (NIEWS FAO) mak sei sai hanesan implementadór durante tinan tolu.
Loron primeiru mak halo introdusan no uza laptop foun sira ne’e katak laptop sira ne’e ho kualidade diak, laiha problema virus no fasil atu uza ba data entry no sistema online nian nune’e mos fo treinamento uza dadus ho sistema online Datoluk oinsa mak bele halo relatoriu no oinsa mak bele halo dadus ho diak no sei halo diskusaun hamutuk konaba sistema monitorizaun seguransa aihan ninian
Iha fatin hanesan, Hermenegildo da Costa nudar ofisial Seguransa Aihan Distrito Lautem ne’ebe durante ne’e halao servisu rekolha dadus iha base hahu husi Aldeia, Suku, Sub distrito to’o Distrito iha mos problema barak kona ba foti dadus tanba laiha fasilidades atu suporta ami hodi halo sevisu. Dadus hirak ne’e laos deit mai husi pesoal seguransa alimentar maibe mos husi pesoal ekstensionista sira iha Suku.
Maske dadus sira prepadu maibe extensionista sira mos infrenta difikuldade hanesan motorizada, falta mina para bele apoiu sira nia atividade probelam ida seluk mak xefe suku sira kestiona bebeik konaba servisu rekolla dadus nian tanba dadus sira ne’e rekolla bebeik maibe laiha resposta positivu ida ba servisu rekoila dadus ninian nemak difikulta ekstensionista atu rekolla dadus husi baze.
Treinadór ne’ebe mak fo treianmentu ba partispante mai husi kompanhia International CATALPA IT. MAP Timor Leste